«АШЫҚ ТЕРЕЗЕ - БАЛАҒА ҚАУІП!»

Балалардың ашық терезеден құлап кету жағдайлары жыл сайын қайталанып келеді. Мұндай қайғылы оқиғалардың алдын алу - әр ата - ананың тікелей жауапкершілігі.

 НЕ ІСТЕУ КЕРЕК?

 1. Терезеге міндетті түрде қауіпсіздік бекіткішін орнатыңыз.

Арнайы терезе құлыптары мен бекіткіштер баланың терезені толық ашып жіберуіне жол бермейді.

 2. Терезе алдына жиһаз қоймаңыз.

Бала үстелге, орындыққа немесе төсекке шығып, терезе жақтауына оңай көтерілуі мүмкін.

 3. Маса торына сенбеңіз!

Масаға арналған торлар бала салмағына төтеп бере алмайды. Олар қауіпсіздікке арналмаған.

 4. Ашық терезені қараусыз қалдырмаңыз.

Тіпті 1-2 минутқа кетсеңіз де, баланы ашық терезесі бар бөлмеде жалғыз қалдырмаңыз.

 5. Баланы қауіп туралы үнемі ескертіп отырыңыз.

Жас ерекшелігіне қарай, терезе жақындаудың қауіпті екенін түсіндіре беріңіз.

 6. Пластик терезе болса - желдету режиміне қойыңыз.

Толық ашпай, тек ауа кіретіндей етіп арнайы желдеткіш қалпына келтіру - қауіпсіз әдіс.

 7. Бала терезе жанында болғанда, телефоныңызға алаңдамаңыз.

Қас - қағым сәт - орны толмас қайғыға айналуы мүмкін.

 ЕСТЕ САҚТАҢЫЗ!

 Балалар биіктікті бағамдай алмайды.

 Олар терезе шетін «қауіпсіз орын» деп қабылдауы мүмкін.

 Сіздің қарапайым ғана сақтығыңыз - бала өмірін сақтап қалады!

 Баланың амандығы - отбасы бақыты. Терезені жабыңыз - қауіпке жол бермеңіз!

 Бұл ескерту әр ата-ананың есінде жүруі тиіс. Қауіп - байқатпай келеді. Сақ болайық!